FORMACIÓN DE USUARIOS

XORNADA MICOLÓXICA DA AUGATECA

SESIÓN DE CONTACONTOS AFRICANOS EN FRANCÉS

TEMOS NOVO CLUB DE LECTURA

FESTA NA AUGATECA

Onte animados pola música dos Waterboys (homenaxe aos nosos invitados irlandeses destes días) celebramos a reapertura da Augateca. 😁

Foi unha festa concorrida e buliciosa. 👀👂🎉

Os alumnos voluntarios doutros cursos actuaron como anfitrións xunto cos profesores do equipo bibliotecario.

Regalamos marcapáxinas e calendarios da Augateca, así como os novos trípticos informativos, que dan a coñecer os nosos servizos e pautas de funcionamento.

A exposición das últimas adquisicións incorporadas a colección da BE (cómics, revistas, novelas xuvenís e de adultos, guías para debuxar cómic ou aprender a xogar ao xadrez) foron moi ben acollidas e xeraron xa reservas e listas de espera. 

Inscribíronse un bo número de alumnos e alumnas nos equipos de colaboradores da Augateca e no club de lectura, que comeza a funcionar a próxima semana.

Caramelos e chocolatinas voaron en dous minutos!!! 😱😂

Pero, sobre todo, compartimos a ilusión que xera o estrear un espazo renovado, amplo, diáfano e cheo de posibilidades.

Moitas grazas!👏👏👏

FESTA DE REAPERTURA

Que mellor ocasión para volver a abrir as portas da Augateca que O DÍA INTERNACIONAL DA BIBLIOTECA ESCOLAR (24 DE OUTUBRO).

Unha Biblioteca  co  dobre de superficie, que acolle  agora non  seu interior  espazos para  obradoiros e  exposicións, un  amplo recuncho para a lectura informal e unha área de  estudo  máis  folgada.
Agradecemos o  esforzo e a colaboración de toda a  comunidade educativa para  acadar este  obxectivo.   Imprescindíbel  para satisfacer  dun  xeito adecuado  as necesidades  dunha biblioteca  sempre en evolución e  á altura dos  novos retos educativos.

SAMAÍN

O EDLG DO IES PEDRA DA AUGA convoca, ca colaboración da Augateca o

I CONCURSO DE RELATOS DE MEDO

BASES:

• Poderá participar todo o alumnado da ESO e Bacharelato.
• Os relatos estarán escritos en lingua galega.
• As historias serán de medo.
• Deberá levar un título e presentarase a ordenador ou con letra clara.
• O prazo de presentación remata o 29 de outubro. Os textos serán entregados ao profesorado de Lingua Galega e Literatura
  .

Haberá un premio de medo na Augateca.

ANÍMATE A PARTICIPAR!!! 😉