BROCHE DE OURO PARA A SEMANA DO LIBRO

Onte entregamos os premios 🏆 aos gañadores do V CONCURSO DE MICRORRELATOS-AUGATECA (cuxa acta publicamos o pasado luns), un libro escollido de xeito personalizado e un vade para súa mesa de estudo.

Algúns deles, a dicir do xurado, teñen un talento que deben cultivar e desenvolver. Non lles perderemos a pista! 😉

Parabéns a todos eles!!!.

👏👏👏

E hoxe rematamos a SEMANA DO LIBRO por todo o alto: XOGAMOS AO TRIVIAL!. A Augateca tomou a palabra con preguntas aos equipos concursantes sobre as máis variadas materias. Para elo contamos ca colaboración dos departamentos de Matemáticas e Galego.

O nivel foi moi bo! 😎💪

Grazas a todos pola vosa participación!!! 

Tedes unha reportaxe de ambos eventos neste vídeo 👀😍👇

 

XA TEMOS OS GAÑADORES DO CONCURSO DE MICRORRELATOS!!!

 

 

Onte a CANDELORIA ría 🌞, pode que “o inverno estea por pasar”, pero desfrutamos dun día case que primaveral para rematar as actividades programadas para a ocasión.

Neste vídeo recollemos as exposicións dos traballos do alumnado de 1º ESO e 1º BACH (orixes nas festas Lupercais da Antiga Roma, pervivencia cristiá, paralelismos co “día da Marmota”, refráns, poemas, ...); de libros e paxaros; a entrega de premios aos mellores tatuaxes e a sesión de tatuaxe no recreo con photocall incluído.

A verdade, non puido saír mellor!!! 👀👇😉

QUE PASA O DÍA DA CANDELORIA?

REFRANS, POEMAS, DITOS E ...

 

FELIZ NADAL

Despedimos o ano con unha intensa actividade e estes últimos días, decorada a Augateca para a ocasión, ademais ...

agasallamos con libros ...

coordinamos o tradicional concurso de postais do nadal, ca entrega dos merecidos premios ... 

e, como non!!! ...fixemos unha coidada e variada selección de lecturas para estas vacacións. 😍

Todo elo foi posíbel gracias ao entusiasmo e bo facer do noso voluntariado. 👏👏👏

Vémonos á volta!!! 🎄🎅🎉

BO NADAL E PROSPERO ANO 2022!!!

E ... CHEGARON OS PREMIOS!!!

Onte, grazas á xenerosidade do alumnado de 3º ESO A, que ten este curso a Biblioteca como aula a tempo completo, puidemos entregar os premios do IV CONCURSO DE MICRORRELATOS AUGATECA no espazo que merecía a ocasión. 😍🎁📚

Os seus calorosos 👏👏👏 arrouparon aos gañadores desta edición e pecharon o programa de actividades da Semana do Libro.

Podedes 👀 as fotos do acto e un pouco máis abaixo 👇 os textos 📜 premiados.

acta fallo xurado IV concurso microrrelatos-Augateca

 Parabéns aos gañadores! 👏👏👏

PREMIO A UN POEMA MOI ROSALIANO ...

Hoxe, a 5ª hora da mañá na Augateca,  fixemos entrega ao gañador do Concurso "Día de Rosalía" do merecido galardón.

O xurado non tivo dúbidas, pese a boa calidade de todos os traballos presentados. 

A súa sensibilidade e estilo directo conquistounos! 😍

Os nosos parabéns a Soufiane Bouzagaoui de FPB1 👏👏👏

BO NADAL CAS TARXETAS GAÑADORAS

 Hoxe fixemos entrega dos PREMIOS do CONCURSO DE POSTAIS DE NADAL.

Aquí tedes un vídeo cas presentadas 👇👀

Esta é a acta do xurado 👇👀

E estas son as fotos da entrega de premios 👇👀 Parabéns ás gañadoras !!! 👏👏👏

E BO NADAL!!! 🎄🎅🌟

SEGUIMOS DANDO PREMIOS

 Onte fixemos entrega do premio, como gañadora do I CONCURSO STOP MOTION – LETRAS GALEGAS 2020, a Victoria Choren Rodríguez
(alumna de 1º ESO A).
O seu estupendo traballo podédelo ver na entrada da semana pasada, na que anunciábamos o resultado.

Victoria tivo palabras de agradecemento para o seu irmá, que axudouna ca animación, e mostrouse moi contenta cos libros e o marcapáxinas que recibiu de mans de Elena, a súa profesora de galego.😄

E, como boa lectora que é, prometeunos un comentario para noso blog das novelas de Tintimán cando as teña lidas.👌😉

TEMOS GAÑADORA DO I CONCURSO STOP MOTION-LETRAS GALEGAS 2020!

 A alumna de 1º ESO A, Victoria Choren Rodríguez, foi galardoada

co premio I CONCURSO STOP MOTION – LETRAS GALEGAS 2020.

O xurado 😎valorou o traballo de investigación realizado sobre a figura e obra de Carvalho Calero, o guión e o traballo de animación.😍

A entrega do premio 🎁 realizarase a próxima semana e publicarase, como sempre, no blog, para que non perdades detalle.

 PARABÉNS VICTORIA!!!  👏👏👏

Aquí tedes o vídeo.👀👇

DÍA DA BIBLIOTECA ESCOLAR COS LECTORES MÁIS ENTUSIASTAS

O alumno Pedro Estévez Losada, de 2ºBACH A, e o profesor Juan Martínez, foron os lectores que máis fondos levaron en préstamo o pasado curso.

 Disfrutan ca lectura e o transmiten!!!

Que mellor que agasallar aos nosos usuarios máis lectores, para celebrar o DÍA INTERNACIONAL DA BIBLIOTECA ESCOLAR
(24 de outubro).

O lema de este ano “Bibliotecas, sempre ao teu carón” lémbranos no noso caso que, inda que pechada a Augateca como espazo polas circunstancias tan complexas que estamos a vivir (este curso é un aula), seguimos ao servizo da comunidade educativa ofrecendo información ,recursos e préstamo de fondos a través do noso blog.

TABOLEIROS DE XADREZ TOMAN A AUGATECA

A Augateca, escenario habitual de partidas de xadrez nos recreos, acolleu onte o III Torneo de Xadrez Intercentros da nosa localidade.
Houbo premios para todos os participantes.👏👏👏🏆

RESUMO DUNHAS XORNADAS CHEAS DE AMOR

A exposición de post-it, con que o alumnado do Centro participou no sorteo da Augateca “Amor, mellor en verso”, engalanou estes días a entrada da biblioteca. 💓💙💚💛

Nela desenvolveuse, no recreo do día de San Valentín, o obradoiro de papiroflexia do que saíron un bo número de marcapáxinas con forma de corazón.💟

A semana seguinte mergullados xa no espírito do Entroido celebramos o sorteo e entregamos os premios as afortunadas gañadoras. 💝

Toda a reportaxe a tedes neste vídeo! 👀👇

REMATAMOS ENTREGANDO PREMIOS

CELEBRAMOS O PREMIO OBTIDO NO V CONCURSO DE TRABALLOS POR PROXECTOS

  Augateca. Diplomas. En youtube. CC-BY-SA

II TORNEO DE XADREZ

Ao longo do curso a Augateca acolleu nos recreos as partidas de xadrez dun grupiño de aficionados cada vez máis numeroso.

Onte celebramos o II TORNEO DE XADREZ do Pedra, e xa podemos presumir dunha gran actuación dos nosos xogadores.

Parabéns a todos os participantes!!!

👏👏👏🏆🏆🏆

POR FIN A SEMANA DO LIBRO!!!-3 (MICRORRELATOS)

O venres 26 no recreo pechamos a SEMANA DO LIBRO na Augateca como empezamos, cunha festa.  Entregamos os diplomas📜 e os agasallos🎁 (un libro e unhas chuches) aos 20 premiados nas distintas categorías da III EDICIÓN DO CONCURSO DE MICRORRELATOS-AUGATECA, que este curso ampliou as posibilidades de participar en diferentes idiomas (galego, castelán, inglés e francés) nas tres subcategorías.

O éxito de participación foi rotundo. E a selección foi difícil pola orixinalidade e calidade dalgúns deles .😍

Nosos parabéns a todos e todas!!!👏👏👏

Aquí tedes os microrrelatos premiados e a súa autoría e máis abaixo o vídeo-resumo de toda a SEMANA DO LIBRO.👇👀

BO NADAL!!!

Estes días de decembro foron especialmente festivos na Augateca. O alumnado voluntario esforzouse en crear un ambiente cálido, cunha preciosa decoración de Nadal, para acoller no noso espazo unha gran variedade de actividades, algunhas das cales fomos anunciado xa desde este blog.

O taller de pop-up elevou moito a calidade e orixinalidade das postais do Nadal que se presentaron ao concurso que este ano,

cuxos premios entregamos o mesmo día que celebramos a exposición con todas as novidades incorporadas este trimestre aos nosos fondos.

🎅🎄🎅🎄🎅🎄🎅🎄🎅🎄🎅🎄🎅🎄🎅🎄🎅🎄🎅🎄🎅

Algunhas figuran na guía de lecturas, coas recomendacións escollidas para estas vacacións, que vos repartimos. Usade os códigos QR para acceder ás reseñas, vídeos, etc.

Foi un éxito a liga de xadrez 👏👏👏

e a charla-coloquio sobre emigración;





🎄🎅🎄🎅🎄🎅🎄🎅🎄🎅🎄🎅🎄🎅🎄







e espertou verdadeiro entusiasmo a proxección da película “No corazón do mar”... así que cremos merecémonos un descanso!

🎄🎅🎄🎅🎄🎅🎄🎅🎄🎅🎄🎅🎄🎅

BO NADAL E FELIZ ANO NOVO!!! 

Até a volta!!! 😎

Tedes máis fotos das actividades neste vídeo👇👀