XOGANDO COAS MATEMÁTICAS!!!

 Arrincou o pasado venres a actividade do espazo creativo con xogos e desafíos matemáticos.

Dada a elevada participación invadimos unha parte importante da Augateca.

O recreo fíxose corto ... e agardamos con impaciencia a nova cita semanal! 😍

QUEN DIXO MEDO???

 A Augateca súmase as actividades programadas polo Centro con ocasión do SAMAGOSTO 🎃🌰 (Samaín + Magosto) do día 4 de novembro ca lectura compartida de ARREPIANTES RELATOS nunha Biblioteca de medo ... 😱

TEDES UNHA CITA NO ESPAZO CREATIVO

 A PARTIR DESTE VENRES, TODOS OS VENRES DO CURSO, ESTARÁ ABERTO O ESPAZO CREATIVO DA Augateca para que desfrutedes cos xogos e desafíos matemáticos que alí temos. 

Contaredes ca axuda da profesora Noemí Fernández.

LIBROS, MÚSICA, CONVERSA ... NUN DÍA PARA CELEBRAR!!!

Onte festexamos O DÍA DAS BIBLIOTECAS (24 de outubro) cunha XORNADA DE PORTAS ABERTAS na Augateca , para dar a coñecer os novos fondos, servizos e espazos, despois de permanecer pechados o pasado curso.

O obxectivo sintonizaba plenamente co lema deste ano, que fai fincapé no papel das bibliotecas como xanelas para LER, espazos onde APRENDER e lugares para DESCUBRIR.

A convocatoria resultou un éxito rotundo de afluencia e participación, como reflicten as imaxes recollidas no vídeo.👀👇 

Moitas gracias polo voso interese e entusiasmo!!!😍

CELEBRAMOS O DÍA DAS BIBLIOTECAS

 

FORMACIÓN DOS NOVOS USUARIOS

 

CRÓNICA DUNHA XORNADA MICOLÓXICA REDONDA!!!

 

Tiñamos tantas ganas de saír por cogomelos, despois do pasado curso, que adiantamos a cita que normalmente situábamos en novembro.

E non saímos defraudados! O día foi magnífico e o resultado espectacular na variedade de exemplares atopados.

A xornada comezou cunha charla formativa na propia BE, acompañada de diapositivas e o reparto dun tríptico , editado polo noso equipo, cunhas nocións básicas sobre o mundo do cogomelos e a importancia da conservación dos mesmos no seu hábitat natural.

Despois saímos a procura e recolleita pola fraga das inmediacións ao Centro, e adicamos dúas horas á clasificación no laboratorio de bioloxía coa axuda das guías que temos nos fondos da BE. o que permitiu montar unha fermosa exposición na entrada da Augateca.

Lástima que sexa tan efémera!

Parabéns ao alumnado de 4º ESO polo seu traballo!!!👌👏👏👏

AQUÍ 👇 TEDES O QUE RESTA DA  REPORTAXE👀 QUE RESUME A XORNADA

PASAPALABRA ... NA AUGATECA

 Onte o alumnado de 1º ESO B, na materia de Lingua Galega e Literatura, transformou a Augateca nun plató de televisión para xogar ao Pasapalabra co léxico do tempo meteorolóxico.

Organizados en dous equipos, azul e laranxa, traballaron denodadamente para conseguir os mellores resultados, inda que ao final foron só dous os grupos gañadores. 

Parabéns pola vosa labor !!! 👏👏👏

E para facervos unha idea da emoción con que se viviu a competición... que mellor cun vídeo!!! 👀👂👇😉

A PRIMEIRA SAÍDA SERÁ Á PESCUDA DE COGOMELOS!!!

 

ESTAMOS DE VOLTA !!!

 

Este curso recuperamos a Biblioteca como espazo propio e vimos con moitas novidades:

• novas instrución de préstamo e devolución de fondos

• novos estantes e seccións

• novos obradoiros, no espazo creativo, nos recreos: xogos matemáticos. Programación, robótica,...

• recuperamos o voluntariado

• estreamos laboratorio de radio (augaradio)

• club de lectura, agora tamén para adultos

• e moitas actividades: saídas, concursos, exposicións,...