As imaxes falan por si soas da variedade e calidade dos proxectos e experiencias científicas presentados e defendidos ante a comunidade educativa, nesta SEMANA DA CIENCIA-Augateca, polo propio alumnado que os traballou estes últimos meses ca vista posta nestas datas.
Moitas
gracias a todos os participantes, profesorado e alumnado vinculado as
materias de Física, Bioloxía, Matemáticas, TIC e Plástica.👏👏👏
E, por
suposto, ao público por seu estímulo e achegas.😉
Onte entregamos os premios 🏆 aos gañadores do V CONCURSO DE MICRORRELATOS-AUGATECA (cuxa acta publicamos o pasado luns), un libro escollido de xeito personalizado e un vade para súa mesa de estudo.
Parabéns a todos eles!!!.
👏👏👏
O nivel foi moi bo! 😎💪
Grazas
a todos pola vosa participación!!!
Tedes unha reportaxe de ambos eventos neste vídeo 👀😍👇
Recobramos para a SEMANA DO LIBRO unha das actividades máis celebradas, O MERCADIÑO DE LIBROS.
O facer dos voluntarios e voluntarias da Augateca, nun alarde de simpatía e profesionalidade, fixo do evento unha festa chea de bo humor, música e recomendacións lectoras.😉😍
Moitas grazas por participar!!!
👏👏👏
No seguinte vídeo 👀👂 tedes a reportaxe do mercadiño que fixemos e que inclúe tamén imaxes da actividade “UN LIBRO PARA TEU AMIGO INVISIBLE”, protagonizada polo profesorado un día antes.👇
Que mellor para inaugurar as xornadas da SEMANA DO LIBRO, que organizamos cada curso desde a Augateca, este ano baixo o lema “A biblioteca ten a palabra”, que un CONTACONTOS en francés.
Fillo da tradición oral, Samuel Mountoumnjou naceu no oeste de Camerún, nunha aldea onde seguen vivas moitas tradicións e costumes antigas. E alí encontra a inspiración para o seu amplo e variado repertorio, formado fundamentalmente por historias, anécdotas, parábolas e mitos africanos.
O alumnado da ESO, asistiu e interactuou con el en quendas ao longo da maña, acadando unha atmosfera máxica entretecida a base de palabras.
 |
| Traballando na contorna visual MIT App Inventor |
Estamos preparando a SEMANA DO LIBRO e, entre outras actividades, volveremos a ter o mercadiño solidario de libros despois de dous anos de ausencia pola pandemia.
Contamos con todos vós !!!😉
O pasado venres O ESPAZO CREATIVO deu cabida a unha nova edición do CONCURSO CIFRAS E LETRAS que tanto éxito tivera en marzo.
Contamos con photocall e todo!!!😎👇
Onte o alumnado do Club de Lectura- Augateca esperaba ilusionado á autora da novela que estas últimas semanas ocupara o seu tempo de lectura, de reflexión e de charla. E non lles defraudou!, todo o contrario.
Pilar Ortega esmerouse cos seus interlocutores favoritos, os lectores xuvenís, respondendo as preguntas que aos poucos foron desvelando o xerme da novela que lles cativou, os seus lazos afectivos cos personaxes, o proceso creativo... Para adentrarse, ao mesmo tempo, na súa vocación temperá de escritora, as súas peripecias editoriais, a ansiada e necesaria gratificación que supoñen os premios literarios, etc.
Agradecemos a Pilar a naturalidade e o agarimo que nos brindou. Esperamos que as obras nas que traballa cheguen pronto ás librarías, para atoparnos de novo ao redor delas.
E aos que aínda non leron “Ou segredo da Al’ Eume” dicirlles que non o pensen, encantaravos como a todos nós. (Ah!, agora temos todos os exemplares firmados pola autora! 😎 )
A continuación tedes as fotos do coloquio na Augateca e un vídeo da entrevista radiofónica, que podedes volver a escoitar nos podcast da Augaradio..👀👂👇
Parabéns a todos os que participaron polo seu excelente traballo!!! 👏👏👏
O pasado venres a Augateca viuse desbordada pola enorme participación no concurso que, en colaboración co Departamento de matemáticas, organizamos desde noso espazo creativo.
Os coarenta minutos do recreo fixéronse pouco para os entretidos participantes e, por elo, prometemos unha nova edición antes de que remate o curso. 😍
PENSAMENTO COMPUTACIONAL
Onte pechamos a exposición de lecturas de divulgación científica que, con ocasión do DÍA INTERNACIONAL DA MULLER E A NENA NA CIENCIA, estivo aberta dende o día 10 na Augateca.
Foron moitos os alumnos e alumnas que acompañados polos seus profesores pasaron pola mostra e expresaron a súa sorpresa pola calidade, variedade e atractivo das propostas ao seu alcance.
E moitos tamén os que decidiron levar en préstamo máis dun título.
Para os que non se animaron no momento sabede que os agardan de novo nos estantes!!!
Agochados nos marcapáxinas, que este venres saíron do ESPAZO CREATIVO, hai unha boa dose de matemáticas e ciencia, pero tamén de creatividade e de amor.
Feitos para agasallar o próximo San Valentín 💘, adornarán as lecturas máis diversas ...😉
Un venres máis O ESPAZO CREATIVO de xogos matemáticos, opta pola papiroflexia, nesta ocasión para festexar o vindeiro 14 de Febreiro.
Seguimos no mes do AMOR. 💓💕💖💘
Onte a CANDELORIA ría 🌞, pode que “o inverno estea por pasar”, pero desfrutamos dun día case que primaveral para rematar as actividades programadas para a ocasión.
Neste vídeo recollemos as exposicións dos traballos do alumnado de 1º ESO e 1º BACH (orixes nas festas Lupercais da Antiga Roma, pervivencia cristiá, paralelismos co “día da Marmota”, refráns, poemas, ...); de libros e paxaros; a entrega de premios aos mellores tatuaxes e a sesión de tatuaxe no recreo con photocall incluído.
A verdade, non puido saír mellor!!! 👀👇😉
