Clepsidra. A Sacra Orde do ALFIN

PELÍCULA: producto final do traballo documental integrado, creado e impulsado dende a Augateca para a alfabetización informacional do noso alumnado ao longo do curso 2017-2018:

 
Augateca. A Sacra Orde do ALFIN. En youtube. CC-BY-SA

Enlace ao blog do proxecto:👉👀  https://alfinclepsidra.blogspot.com/

INFOGRAFÍA: producto final das xornadas de ALFIN realizadas polo alumnado de 1º ESO, nas que aprenderon a buscar, tratar e comunicar, a información precisa para saber que é unha clepsidra e situarnos nas orixes históricas da mesma.

para 👀mellor pulsa neste link 👉 infografía clepsidra

Enquisa alumnado 2018.

AppYOGOTE

Augateca. AppYOGOTE.En youtube. Licenza youtube estandar.

Mirando ao noso ceo. Proxecta MeteoEscolas

 Seguindo o programa de actividades que diseñamos  para o mes da ciencia, mañá no recreo presentamos na Augateca o vídeo  que resume os traballos de investigación feitos ao longo do curso polo alumnado do centro, para o Plan proxecta meteoescolas.

 A biblioteca colaborou aportando fondos documentales, espazo e difusión para o proxecto, que quedou así de ben!

Encina. Mirando ao noso ceo. En youtube. Licenza youtube estandar

Máis información sobre o proxecto no blog  👉 o ceo do pedra

CHARLAS CIENTÍFICAS

Escapárasenos unha burbulla do programa do mes da ciencia na Augateca! 😱Aquí está!

SEMANA DAS LETRAS GALEGAS

Do 14 ao 18 de maio tiveron lugar no instituto diversas actuacións de dinamización da nosa lingua e as nosas letras, este ano dedicadas á autora María Victoria Moreno, polo que o lema escollido recollémolo a partir dunha frase de Anagnórise, a súa novela máis recoñecida: As persoas estamos feitas para levar adiante os proxectos máis fermosos. O espazo escollido foi nomeadamente a Augateca. A seguir mostramos un repaso das actividades desenvolvidas.

EXPOSICIÓNS SOBRE MARÍA VICTORIA MORENO:

. Vida, creación e compromiso. Situada polo alumnado de 1º da ESO no edificio principal.

. Unha ollada a través dos seus libros, disposta por 2º ESO B no edificio de Bacharelato.

. Publicacións do fondo da Augateca.

PROXECCIÓN DOCUMENTAL

O martes 15 e mércores 16 proxectouse na Augateca o documental María Victoria Moreno, galega por amor para o alumnado de 3º da ESO e 1º de Bacharelato.

DÍA GRANDE DAS LETRAS, VENRES 18 DE MAIO

Ao día seguinte do feirado das Letras Galegas do día 17, organizamos unha dupla actividade:

. Os recreos da comedia, protagonizados na Augateca polo alumnado de 1º da ESO A e B, co fin de fomental a expresión oral en lingua galega, @s miúd@s prepararon diferentes monólogos, contos, chistes e diversas representacións, que conxuntamente coa merenda das 11, serviron para botermos unha risas galegas e en galego.

Mural A poesía ten nome de muller. Para pór o ramo á festividade das letras galegas o alumnado de 2º de Bacharelato do Clube de Lectura da Augateca pintaron un mural que contiña os versos seleccionados no concurso que desenvolvera Pedra da Linguam, o equipo de dinamización lingüística do centro, que trataba de facer unha escolma da poesía galega feminina, e que a partir desta data ficará indelébel e para o futuro na parede exterior do espazo denominado a Charca.

PROGRAMA LETRAS GALEGAS

NOVAS ADQUISICIÓNS PARA O CATÁLOGO DA AUGATECA

Atendendo as vosas suxestións💬 e pensando nos proxectos para o vindeiro curso, orientados a seguir avanzando no traballo ca banda deseñada, que tanto éxito😍 está a ter, presentamos os novos títulos para a colección no que non fallan Manga, albumes ilustrados, clásicos do comic, etc

Tamén incluímos algunhas novelas xuvenís e outras pensando nos usuarios adultos, cada vez máis asiduos 👏👏👏, que estanse animando a facer peticións 😉

De aquí a final de curso trataremos de dotar a alguns deles do correspondente código QR.

PAPIROFLEXIA NA AUGATECA

XORNADAS ALFIN

SEGUIMOS A FALAR DA SEMANA DO LIBRO, fixemos tantas cousas o pasamos tan ben!.

O día 25 entregamos os premios aos gañadores do II CONCURSO DE MICRORRELATOS AUGATECA:

CATEGORÍA 1º/2º ESO:
1º PREMIO: “MUNDO DE BESTIAS” José Luis Martínez Julián. 2º ESO B.
2º PREMIO: “DIARIO DE UN DETECTIVE EN CUBIERTA. 00:00 A.M.”
Juliana Álvarez De Santamarina Conceiçâo. 2º ESO A.
CATEGORÍA 3º/4º ESO:
1º PREMIO:”NOCHE TENEBROSA”. Lorena Faro. 4º ESO A.
2º PREMIO:”EL MONSTRUO”. Nerea Ucha López. 3º ESO B.
CATEGORÍA 1º/2º BACH.
1º PREMIO: “ESTABA ENTRE NÓS”. Paula Catarino Amoedo. 1º BACH. B.
2º PREMIO:”MADUREZ”. Arantxa Estévez Baca. 1º BACH. B

PARABÉNS A TODOS POLA VOSA PARTICIPACIÓN, que lle puxo moi difícil a tarefa ao xurado tanto pola elevada participación como polo enxeño dos relatos.👏👏👏

Aquí tedes os textos galardoados 👀 👇

O xoves 26, as alumnas colaboradoras da AugatecaAroa Carballido e Zaira Soliño, de 1º Bach. A, coordinaron e moderaron a PROXECCIÓN E FORO sobre a curta “Los fantásticos libros voladores del señor Morris Lessmore”, no que participaron alumnos e alumnas de 3º ESO A, a 2ª hora, e o de 3ºB+PMAR a 3ª hora.

A actividade resultou moi animada polas aportacións que realizaron todos eles á hora de analizar e comentar unha curta tan rica en lecturas. 

E PARA REMATAR

AQUÍ TEDES O VÍDEO 👀👂 QUE MONTAMOS CAS ACTIVIDADES E O 

 EXITOSO MERCADIÑO DE LIBROS 👇

GUSTOUCHE A SEMANA DO LIBRO?

Nós rematamos case sen folgos!😉

A actividade máis esperada e de maior éxito foi sen dúbida

O MERCADIÑO DE LIBROS, onde cada ano SUPERAMOS os RESULTADOS do anterior.💪

GRAZAS pola vosa resposta!

e un aplauso 👏👏👏 para o noso EQUIPO DE COLABORADORES, que o prepararon durante días e, chegado o día 23,
repartiron entusiasmo nun ambiente festivo,facéndonos pasar un rato moi agradable!

O día 24 inauguramos DÚAS EXPOSICIÓNS:

•  a primeira, “Breve paseo editorial por el Quijote”, organizada ca colaboración do Departamento de Lingua castelá, foi posible gracias a cesión temporal dos exemplares máis variados que a comunidade educativa tiña nas súas bibliotecas particulares, dende edicións do século XVIII, cómics, traduccións a outras linguas,versións cinematográficas... UN LUXO!

• a segunda, “O universo de Frankenstein”, recolleu os resultados dos traballos realizados polo noso alumnado, en resposta ao proxecto que impulsamos para conmemorar o bicentenario da publicación de “Frankenstein o El moderno Prometeo” de Mary Shelley, e a partir da mostra de materiais e recursos a vosa disposición na Augateca e neste blog, no mes de xaneiro.
  As aportacións foron as seguintes:

- O alumnado de 4º ESO: leu a obra adaptada en inglés e redactou pequenos comentarios neste idioma; traballou na materia de historia o contexto histórico da obra e da súa autora, as achegas e influencias que recolle do entorno familiar, intelectual, artístico e científico, plasmándoo nun organigrama-mural; e recolleu datos biográficos doutras mulleres contemporáneas de Mary Shelley na materia de valores éticos.

- O alumnado de grego de 1º de Bacharelato elaborou un vídeo no que analiza o mito de Prometeo co apoio visual de cadros de todos os tempos e conclúe analizando as diferencias e similitudes coa novela de Frankenstein, con música de Ludwig van Beethoven, “Las criaturas de Prometeo”. MOI INTERESANTE!😍

- O alumnado de 1º ESO, na materia de ética, traballou as emocións da criatura e o seu creador, plasmadas mediante debuxos.

- O alumnado de 3ºESO na materia de EPVeA deu renda solta a súa creatividade imaxinando, a partir do texto lido, como sería a aparencia do monstro, empregando a cor como elemento clave para resaltar as súas características físicas e psicolóxicas.

PERO MOITO MELLOR E QUE 👀UN RESUMO DAS EXPOSICIÓNS!!! 👇

- O alumnado de 4ºESO elaborou uns booktrailers para animarvos a ler a novela se non a coñecedes.

MES DA CIENCIA NA AUGATECA

Chegou maio, o esperado MES DA CIENCIA NA AUGATECA.

Este ano aspiramos a superar o éxito do pasado curso cun variado e ambicioso abano de actividades e proxectos nos que levades e levamos traballando todo o curso.

Aquí tedes o programa!.👇 Que o desfrutedes!😁