AUGATECA

O ESCRITOR RAMÓN CARIDE E O ILUSTRADOR MANUEL BUSTO TIVERON UN ENCONTRO CO ALUMNADO DE 3º E 1º DA ESO

Conversaron a primeira hora da tarde do luns 5 de marzo co grupo de 3º ESO A sobre Exogamia 0.3 e Endogamia 0.2, libros escritos e ilustrados polos autores anteditos. A ficción científica e os diferentes problemas que acucian á humanidade son os temas destes dous libros de relatos pensados para a mocidade, nos que Ramón Caride desvelou a perspetiva de xénero e de denuncia social, ambiental e dos dereitos humanos que conteñen, e Manuel Busto mostrou os deseños orixinais utilizados logo de e innprirar nos diferentes relatos.

Na seguinte sesión Caride Ogando reuníuse con 1º ESO A e B, grupos que leran   O Camiño da Estadea, última entrega da prestixioa saga de ciencia ficción coas aventuras de Saíd e Sheila, exitosa pentaloxía novelada desde mediados dos anos 90, a cal inclúe como antecedentes a Perigo Vexetal, Ameaza na Antártida, O futuro roubado e a negrura do mar. Atendeu as numerosas dúbidas e preguntas colocadas pola curiosa rapazada.

Ao remate, cal Feira do Libro, ambos os dous asinaron con numerosos exemplares con dedicatorias escritas e deseñadas con carácter personalizado.