Xoves Poético na Augateca

Hoxe tivemos o placer de escoitar a Emma Álvarez Gayoso, alumna de 3º de ESO, que tivo a xenerosidade de compartir connosco catro poemas da súa propia creación. Foi todo un éxito de público e desde a Augateca animámosvos a que presentedes as vosas creacións. Grazas Emma!

Samaín na Augateca

Esta semana celebramos o Samaín na Augateca. En colaboración có Equipo de Dinamización de Lingua Galega e có Departamento de Plástica, organizamos un concurso de Epitafios que saiu de morte! Podedes ver nas fotos os epitafios e as fotografías coas alumnas gañadoras.

1º Musiké na Augateca

Este xoves 20 de outubro tivo lugar na Augateca o primeiro recital Musiké. As alumnas Lucía Marino (2º Bacharelato) e Jimena Zalazar (2º ESO) foron as protagonistas. Lucía recitou un poema da escritora María Xosé Queizán e Jimena, acompañada dunha composición orixinal para piano de Paula Carreras -profesora de Música-, deleitounos cunha peza de ballet. Foi todo un éxito!

Cine de humor na Augateca: Un funeral de muerte

Este luns tivo lugar a primeira proxección do noso ciclo de cine de humor. Neste caso vimos "Un funeral de muerte" dirixida por Frank Oz. O noso alumnado acolleu esta iniciativa con entusiasmo e desfrutaron moito da peli.

Ciclo de cine de humor na Augateca

Comezamos este trimestre có noso primeiro ciclo de cinema. Neste caso estará adicado ao xénero da comedia! As proxeccións faránse no salón de actos do instituto un luns de cada mes e estades tod@s convidadas a vir! Terán lugar ás 14:45 dos luns e podedes traer bocata para xantar mentras vemos a peli. Esta actividade organízaa o Departamento de Xeografía e Historia en colaboración coa Augateca!

Musiké: A arte das musas

Desde a Augateca queremos convidarvos a participar na iniciativa Musiké que da comezo este curso. Todos os xoves no recreo terán lugar recitais poéticos coas vosas propias creacións ou poemas. Só tedes que mandar as vosas propostas ao enderezo electrónico da Augateca cunha semana de antelación, e teredes sempre dispoñible o micrófono aberto para que os demáis desfrutemos da vosa arte. Dentro do programa Musiké, e atendendo ao concepto orixinal do termo, os últimos xoves de cada mes teremos recitais nos que combinaremos poesía, música, danza e outras artes performativas. En colaboración cos departamentos de Música e de Plástica, crearemos composicións orixinais que acompañarán ás vosas voces. Animádevos!

Comezamos o curso 2022-2023 - Novos proxectos

 Ola a tod@s!

Desde a Augateca queremos darvos a benvida a este novo curso 2022-2023. Comezamos a nosa andaina na biblioteca cheos de ilusión e con moitos proxectos en mente.

Xa levamos un mes de clases e a Augateca segue a ser un espazo acolledor para todo a comunidade educativa do IES Pedra da Auga.

INTERPRETANDO O MUNDO DO "PRINCIPIÑO"

 Expoñemos estes días nos corredores anexos a Augateca o resultado do PDI  deseñado e coordinado pola Biblioteca ao longo destes dous últimos trimestres, a partir da lectura compartida  nas aulas de 1º ESO e en horario lectivo dunha obra en formato dixital, “O Principiño” de Antoine de Saint-Exupéry. 😍

Destinado a formar lectores competentes e a desenvolver o hábito lector. Participaron os departamentos de Bioloxía, Matemáticas, CCSS, Plástica, Lingua Galega e Lingua Castelá. 😅

Nosos parabéns a todos, alumnado e profesorado por tan bo traballo!!! 👏👏👏

RECOÑECEMENTO DUN TRABALLO EXTRAORDINARIO

 Vai rematando o curso e, ainda que sempre presentes nas numerosas entradas do noso blog,  non tiveran a súa propia reportaxe...

 Estamos a falar de nosos voluntarios e voluntarias,😍 sempre alegres e dispostos a axudar en calquer tarefa.   

Noso máis sincero agradecemento a todos eles!!!

👏👏👏 E como as palabras non chegan ... o día 14 ímonos de excursión a Santiago, para que entre outras actividades elixan e merquen novos fondos para a Augateca.😉

 HOMINIDAE

O departamento de plástica fai dos cranios, lenzos paleoantropolóxicos, obras de arte.

Enquisa Augateca

 

SÉCURITÉ ROUTIÈRE!

 O alumnado de 1º ESO  de francés realizou un pequeno traballo de investigación sobre a seguridade vial en colaboración ca Augateca.

 E este foi o magnífico resultado!!!

IN MEMORIAM

 

LETRAS GALEGAS 2022

 

TODA A SEMANA DA CIENCIA NUN VÍDEO

As imaxes falan por si soas da variedade e calidade dos proxectos e experiencias científicas presentados e defendidos ante a comunidade educativa, nesta SEMANA DA CIENCIA-Augateca, polo propio alumnado que os traballou estes últimos meses ca vista posta nestas datas.

Moitas gracias a todos os participantes, profesorado e alumnado vinculado as materias de Física, Bioloxía, Matemáticas, TIC e Plástica.👏👏👏
E, por suposto, ao público por seu estímulo e achegas.😉

LER É UN PRACER ...

 Co bo tempo estreamos o tantas veces aprazado punto de lectura informal ao aire libre, atendido polo voluntariado dá nosa BE.

 Este espazo acondicionado no patio conta cun mural realizado polo alumnado de debuxo artístico de 2º de Bacherelato para a Augateca. 

SEMANA DA CIENCIA NA AUGATECA

Programa:

UNHA ESCOLLA DE NOVIDADES RECEN CHEGADAS ...

 

BROCHE DE OURO PARA A SEMANA DO LIBRO

Onte entregamos os premios 🏆 aos gañadores do V CONCURSO DE MICRORRELATOS-AUGATECA (cuxa acta publicamos o pasado luns), un libro escollido de xeito personalizado e un vade para súa mesa de estudo.

Algúns deles, a dicir do xurado, teñen un talento que deben cultivar e desenvolver. Non lles perderemos a pista! 😉

Parabéns a todos eles!!!.

👏👏👏

E hoxe rematamos a SEMANA DO LIBRO por todo o alto: XOGAMOS AO TRIVIAL!. A Augateca tomou a palabra con preguntas aos equipos concursantes sobre as máis variadas materias. Para elo contamos ca colaboración dos departamentos de Matemáticas e Galego.

O nivel foi moi bo! 😎💪

Grazas a todos pola vosa participación!!! 

Tedes unha reportaxe de ambos eventos neste vídeo 👀😍👇

 

MERCAR UN LIBRO , UN SOÑO, UNHA VIAXE ...

Recobramos para a SEMANA DO LIBRO unha das actividades máis celebradas, O MERCADIÑO DE LIBROS.

A oferta foi do máis variada, grazas as vosas doazóns.

O facer dos voluntarios e voluntarias da Augateca, nun alarde de simpatía e profesionalidade, fixo do evento unha festa chea de bo humor, música e recomendacións lectoras.😉😍

Moitas grazas por participar!!!

👏👏👏

No seguinte vídeo 👀👂 tedes a reportaxe do mercadiño que fixemos e que inclúe tamén imaxes da actividade “UN LIBRO PARA TEU AMIGO INVISIBLE”, protagonizada polo profesorado un día antes.👇