Na memoria de Agustín Fernández Paz.
O 12 de xullo de 2016 Agustín
Fernández Paz deixounos para sempre, aínda non hai un ano e nós
sentímolo moi preto. Desde a Augateca queremos renderlle a nosa
particular homenaxe e para iso pensamos en ler a súa obra e
compartir eses momentos.
E como no mundo hai moitas casualidades ímosvos
contra un segredo que seguro lle gustaría.
Agustín Fernández Paz estivo destinado no IES
Pedra da Auga desde o día 15-09-1.996
ata
31-08-1.999, pero
pola súa intensa actividade profesional non chegou a exercer como
docente no
centro. Pasou
pois fugazmente por aquí, pero con todo deixou a súa pegada a súa
obra, por suposto,
e ademais unha estraña presenza de
si mesmo. Nos seus textos
usa como recurso presenzas
estrañas que crean certa tensión no lector e que o acompañan
durante a lectura. Pois... do mesmo xeito que el facía, mentres
desenvolvemos a actividade na Augateca sentímonos
moi a gusto acompañados pola súa presenza
amiga,
el estivo, dalgún xeito, con nós.
Así o alumando
de 2º da ESO coñeceu a súa obra
e compartiu as
lecturas do
texto. Lembramos a Sara,
o tío Moncho, a Illa de San Simón e todo o universo literario de
Agustín. Tamén lemos tres cartas que non
chegaron a destino, refrescamos un
palíndromo de Gonzalo Navaza e
visualizamos un traballo sobre o libro que
foi levado ao Salón do libro de Pontevedra, co
amor como pano de fondo.
Con este guieiro
navegamos na Augateca pola augas de Noite de voraces sombras,
acompañados por Agustín Fernández Paz.
Ningún comentario:
Publicar un comentario